انشالله القمحة - تراتيل مكتوبة

انشالله القَمْحَة

 اللازمة: انشالله القَمْحَة اللّي انْزَرَعِتْ بِقْلُوبْنا       

تْمُوت وْتِنْمى وِتْزَهِّر مَحَبِّة

انشالله النّاس لْمِنْشُوفُنْ عَ دْرُوبْنا

بْيِتْلاقُوا بْوِجَّكْ فينا يا ربّي

1- حْكايِة حُبَّك لِلْكِلّ حْكيناها وْما في مَطْرَح إلاّ ما كْتَبْناها                                   

                                يِمْكِن نِحْنا كْبِرْنا ونْسِيناها، رَجِّعْنا زْغارْ مْنِفْهَم مَعْناها

2- لا تْنَسِّينا الكِلْمِة ال قِلْتَا عَنّا، إنْتُو مِلْح الأرْض وْإنتُو نُورَا                                   

                                لا تِتْرِكْنا ضَلَّكْ ساكِنْ عِنَّا، وْخَلّينا نْكُون عَنَّكْ أجْمَلْ صُورَة

3- وَحْدَكْ إنْتَ بْعَتْم الدَّرْب سْراجْنا، وْإنْتَ الكَنْز لْمَا مْنِتْخَلّى عَنُّو                                

                                 بِالطُّرْقات الخُطْرَة تِبْقَى سْياجْنا، وَصِّلْنا لْنَبْعَك وسْقينا مِنُّو