يا يسوع صوتك اسمعنا

يا يسوع صوتك اسمعنا

* يا يسوع صوتك اسمعنا، وحواليك  تجمّعنا

لو عَ طول بتضلّك معنا، وبحبّك بتجمعنا

نقّيت تنعشر تلميذ، يا ريتك بتنقّينا

هالعمر بقربك لذيذ، بقربك ربّي خلّينا، وحدك إنت بتكفينا

* بآخر ليل سهرة مع يسوع، وصّى تلاميذو وصيّة

وقلبو أصفى من الينبوع، فاض محبّة وحنّية

يا تلاميذي بدّي الحبّ، يعمّ بهالعالم كلّو

واللّي ما في عندو قلب، حطّولو قلب محلّو، ومحبّة حقيقيّة

* يا يسوع متل ما وصّيت، نحنا الحبّ رسالتنا

كرمالك تركنا أهل وبيت، وجينا  لعندك كليتنا

من قلبك عم نغرف حب، ومن روحك عم تسقينا

ولمّا نارك فينا تهبّ، وبالمحبّة تملّينا، وين ما بدّك ودّينا